Gaelige
-
Linte na Farraige chun súile agus intinní a oscailt do thionchar an athraithe aeráide ar leibhéil borrthaí stoirme ar fud chósta
Le hamharc-shuiteálacha solais thionscadal Línte na Farraige, tugtar le fios an t-ardú atá tuartha ar leibhéil na farraige de thoradh borrthaí stoirme amach anseo. Lasfar na suiteálacha den chéad uair ag an bPóirse Caoch i nGaillimh agus lonnófar iad in áiteanna eile cois cósta sna míonna atá amach romhainn.
29 Sep 2022
Arts|Environment|Research|Science|Sustainability
-
Oibríonn Cartlanna ar fud na cruinne le chéile chun beocht a chur in Oifig Thaifid Phoiblí na hÉireann a cailleadh
Seolfaidh an Taoiseach Micheál Martin agus an tAire Turasóireachta, Cultúir, Ealaíon, Gaeltachta, Spóirt agus Meán, Catherine Martin T.D. Maoinchiste Annála Samhalta na hÉireann inniu (an 27 Meitheamh).
27 Jun 2022
Arts|Research|Science
-
An taispeántas ‘Dá ngabhfadh bean tríd an ngeata aon uair amháin…’ le céad bliain de Chéimithe Ban Choláiste na Tríonóide a chomóradh
“Dá ngabhfadh bean tríd an ngeata aon uair amháin, bheadh sé nach mór dodhéanta súil a choinneáil ar na foirgnimh nó ar na seomraí a ngabhadh sí isteach iontu nó ar an bhfad ama a bhfanfadh sí ann.” Sa bhliain 1895, shainaithin comhaltaí Bhord Choláiste na Tríonóide, Baile Átha Cliath é seo ar cheann de […]
27 Apr 2022
-
Seachtain na Gaeilge i gColáiste na Tríonóide
Déanfar ceiliúradh ar ár dteanga agus ár gcultúr Gaelach trí réimse leathan imeachtaí a bheidh ar siúl idir 1-17 Márta 2022. Beidh fáilte roimh chách freastal ar na hócáidí seo.
2 Mar 2022
-
Athchruthú fíorúil 3T de thaispeántas ealaíne na bliana 1922 a chuir Saorstát Éireann ar an ardán domhanda
3T den taispeántas ceannródaíoch ealaíne a cuireadh ar siúl i bPáras sa bhliain 1922, Exposition D’Art Irlandais, a d’fhógair Saorstát Éireann os comhair an domhain.
7 Feb 2022
-
Taighde nua ar éin iomráiteacha in Oirdheisceart na hÁise, na “sárthrampanna”, a chabhraíonn linn éabhlóid ainmhithe forleathana a thuiscint
Déanann an taighde seo tástáil ar theoiricí a bunaíodh ar na héin seo thar beagnach caoga bliain, agus léiríonn sé go mbíonn tionchar láidir ag iargúltacht na n-oileán ar an éabhlóid, fiú i gcás speiceas a bheadh lán-ábalta eitilt idir eatarthu.
27 Jan 2022
Research
-
Tabhairt ar Lámh Chaisleán Bhaile Átha Cliath: 100 bliain chun cinn déanann Comhdháil Choláiste na Tríonóide breithniú ar thábhacht staire ‘Lá Bastille na hÉireann’
Tabhairt ar Lámh Chaisleán Bhaile Átha Cliath: 100 bliain chun cinn déanann Comhdháil Choláiste na Tríonóide breithniú ar thábhacht staire ‘Lá Bastille na hÉireann’
14 Jan 2022
-
Níor cheart frithdhúlagrán coitianta a úsáid a thuilleadh mar chóireáil do dhaoine a bhfuil néaltrú orthu
Níor cheart frithdhúlagrán coitianta a úsáid a thuilleadh mar chóireáil do dhaoine a bhfuil néaltrú orthu, dar le staidéar.
27 Nov 2021
Research
-
Amharc úrnua ar athlasadh na n-alt maidir le hothair a bhfuil airtríteas réamatóideach orthu
Tá an Grúpa Réamaiteolaíochta Móilíní i Scoil an Leighis, faoi stiúir an Ollaimh Ursula Fearon, ag obair chun tuiscint níos fearr a fháil ar eachtraí casta ceallacha agus móilíneacha a tharlaíonn díreach sna hailt atá buailte.
11 Nov 2021
Research
-
Níor cheart frithdhúlagrán coitianta a úsáid a thuilleadh mar chóireáil do dhaoine a bhfuil néaltrú orthu
Níor cheart frithdhúlagrán coitianta a úsáid a thuilleadh mar chóireáil do dhaoine a bhfuil néaltrú orthu, dar le staidéar.
27 Oct 2021
Oibríonn Cartlanna ar fud na cruinne le chéile chun beocht a chur in Oifig Thaifid Phoiblí na hÉireann a cailleadh
Posted on: 27 June 2022
Seolfaidh an Taoiseach Micheál Martin agus an tAire Turasóireachta, Cultúir, Ealaíon, Gaeltachta, Spóirt agus Meán, Catherine Martin T.D. Maoinchiste Annála Samhalta na hÉireann inniu (an 27 Meitheamh).
- Téigh siar san am chun iniúchadh a dhéanamh ar athchruthú digiteach tumtha Oifig na dTaifead Poiblí agus a cuid bailiúcháin
- Chuir 70 cartlann ar fud an domhain na mílte taifead ionaid ar fáil chun an chartlann a scriosadh sa tine sna Ceithre Chúirteanna in 1922 a athchruthú
- Ligeann uirlis taighde cheannródaíoch dúinn iniúchadh níos doimhne a dhéanamh ar sheacht gcéad bliain de stair na hÉireann
- Oidhreacht leanúnach uile-oileáin agus idirnáisiúnta le haghaidh Dheich mBliana na gCuimhneachán.
Seolfaidh an Taoiseach Micheál Martin agus an tAire Turasóireachta, Cultúir, Ealaíon, Gaeltachta, Spóirt agus Meán, Catherine Martin T.D. Maoinchiste Annála Samhalta na hÉireann inniu (an 27 Meitheamh).
Den chéad uair le 100 bliain anuas, beidh an pobal in ann dul siar san am chun athchruthú fíorúil d’Oifig Thaifid Phoiblí na hÉireann agus a cuid bailiúcháin a iniúchadh, mar a bhí siad an oíche sular scriosadh iad sna Ceithre Cúirteanna i mBaile Átha Cliath ag tús an Chogaidh Chathartha.
Nuair a scriosadh Oifig Thaifid Phoiblí na hÉireann sa tine in 1922, cailleadh na céadta míle doiciméad luachmhar staire a bhain le gach gné de shaol na hÉireann — go deo, de réir dealraimh. Is taisce ollmhór é Maoinchiste Annála Samhalta na hÉireann de dhoiciméid ionaid a aimsíodh le déanaí i gcartlanna comhpháirtíochta ar fud an domhain. Ar fáil saor in aisce agus go buan ar líne, beidh gach duine a bhfuil spéis aige/aici i scéal na hÉireann in ann seacht gcéad bliain de stair na hÉireann a iniúchadh trí na mílte doiciméad inchuardaithe. (https://virtualtreasury.ie/)
Is toradh é Maoinchiste Annála Samhalta na hÉireann ar chlár taighde cúig bliana dar teideal ‘Thar 2022 Amach’, atá maoinithe ag an Stát. Faoi stiúir Choláiste na Tríonóide, Baile Átha Cliath, tá Thar 2022 Amach tar éis imscrúdú stairiúil, caomhnú cartlainne, agus nuálaíocht theicniúil a thabhairt le chéile chun an chartlann a cailleadh ar an 30 Meitheamh 1922 a athshamhlú agus a athchruthú, trí theicneolaíochtaí digiteacha.
D’fhorbair staraithe i gColáiste na Tríonóide agus eolaithe ríomhaireachta in Ionad ADAPT SFI an clár taighde ceannródaíoch, i gcomhpháirtíocht le cúig phríomhpháirtí: Cartlann Náisiúnta na hÉireann, An Chartlann Náisiúnta (RA), Oifig Thaifid Phoiblí Thuaisceart Éireann, Coimisiún Lámhscríbhinní na hÉireann agus Leabharlann Choláiste na Tríonóide, Baile Átha Cliath. Oidhreacht fhiúntach is ea Maoinchiste Annála Samhalta na hÉireann do chlár an Stáit do Dheich mBliana na gCuimhneachán (2012-2023). Tá sé seo á chómhaoiniú ag Tionscadal Éire 2040 agus an Roinn Turasóireachta, Cultúir, Ealaíon, Gaeltachta, Spóirt agus Meán.
Sracfhéachaint ar Mhaoinchiste Annála Samhalta na hÉireann:
- Den chéad uair le 100 bliain, ‘tar isteach’ in Oifig na dTaifead Poiblí, foirgneamh Victeoiriach sé stór, mar a bhí sé an oíche sular scriosadh é in 1922, trí thaithí thumtha 3D.
- Cuardaigh na bailiúcháin sa Mhaoinchiste, lena n-áirítear téacsanna ina bhfuil 50 milliún focal, 150,000 taifead agus níos mó ná 6,000 léarscáil a chuimsíonn stair na hÉireann ó 1174 suas go dtí 1922.
- An mbeadh spéis agat sa chéad daonáireamh in Éirinn a reáchtáladh in 1766? … Nó conas mar a rinneadh mapáil agus suirbhéireacht níos déine ar Éirinn ná aon áit ar domhan le linn ré Chromail? … Nó conas a rialaigh coróin Shasana Éire sa Mheánaois? … Tá eolas iontach sna trí chnuasach ‘Gold Seam’, ina bhfuarthas ar ais suas le 80% den ábhar a cailleadh, faoin saol in Éirinn na céadta bliain ó shin.
- Foghlaim faoi stair na hÉireann leis an nGraf Eolais do Stair na hÉireann – uirlis chumhachtach nua taighde inar féidir naisc nua a aimsiú idir daoine agus áiteanna…tá 2.7 milliún eintiteas sonraí nasctha ar fáil le cuardach
Ag labhairt roimh an seoladh, dúirt an Taoiseach Micheál Martin:
“Is oidhreacht bhuan agus fhiúntach é Maoinchiste Annála Samhalta na hÉireann do Dheich mBliana na gCuimhneachán. Is le muintir na hÉireann é, ag déanamh rochtain ar ár n-oidhreacht shaibhir chartlainne daonlathach agus ag déanamh ár stair chomhroinnte inrochtana do chách. Is acmhainn luachmhar stairiúil í do dhaoine de gach traidisiún ar fud an oileáin agus do gach duine ar fud an domhain a bhfuil sinsearacht Éireannach acu. Is éacht mhór í agus is teist í ar thiomantas agus ar dhúthracht fhoireann thionscadal Thar 2022 Amach.”
Dúirt an Tánaiste Leo Varadkar:
“Is tionscadal fíorspreagúil é seo a osclaíonn doirse nua do stair na hÉireann. Tugann sé saibhreas eolais ó áiteanna ar fud an domhain le chéile chun an méid a tharla in Éirinn a léiriú, agus cuidíonn sé leis na bearnaí a líonadh a d’eascair as an tine cháiliúil sin in 1922 in Oifig na dTaifead Poiblí. Tréaslaím leis an bhfoireann as beocht a chur sa tionscadal iontach seo.”
Dúirt an tAire Catherine Martin:
“Tá an teicneolaíocht nuálach atá taobh thiar de thionscadal Thar 2022 Amach iontach spreagúil agus is léiriú í ar cheannaireacht agus tallann na hÉireann i dtaighde agus nuálaíocht cheannródaíoch. Chuir Deich mBliana na gCuimhneachán acmhainní iontacha ar fáil dúinn, cosúil le Maoinchiste Annála Samhalta na hÉireann, chun cabhrú linn dul siar san am agus foghlaim faoinár stair, bunaithe ar an bhfianaise fhíorasach ar na himeachtaí a tharla. Nochtar gnéithe nár scrúdaíodh riamh dúinn, gnéithe a bhí dothuigthe nó dorochtana dúinn roimhe seo, ag ligean dúinn léargas agus dearcthaí nua a fháil. Is oidhreacht spreagúil agus marthanach í do Dheich mBliana na gCuimhneachán, a bhfuil an-áthas ar mo Roinn tacú leis faoi Thionscadal Éire 2040. Tá comhpháirtíocht agus flaithiúlacht na gcomhpháirtithe cartlainne agus an comhoibriú uile-oileáin agus idirnáisiúnta a eascraíonn as sin thar barr agus táimid iontach buíoch as.”
Dúirt Stiúrthóir Chlár ‘Thar 2022 Amach’ an Dr Peter Crooks, Ollamh Comhlach le Stair na Meánaoise, Coláiste na Tríonóide:
“Bhí an Taisce Taifead in Oifig Thaifid Phoiblí na hÉireann ar cheann de chartlanna móra na hEorpa. Chuir cailleadh cultúrtha tubaisteach na cartlainne in 1922 isteach ar ár dtuiscint ar stair na hÉireann. A bhuí le coimeád taifead mionchúiseach na nglúnta cartlannaithe, staraithe, cóipeálaithe, ginealeolaithe agus cléireach, caomhnaíodh na mílte cóipeanna agus tras-scríbhinní de thaifid na hÉireann a scaipeadh ar fud an domhain. Diaidh ar ndiaidh, tá beocht á chur ag staraithe, cartlannaithe agus eolaithe ríomhaireachta arís i dtaisce náisiúnta na hÉireann a scriosadh.”
“Tógann Maoinchiste Annála Samhalta na hÉireann neart ó chomhpháirtíochtaí a nascann na comhpháirtithe anois le breis is 70 institiúid ar fud an domhain, lena n-áirítear Leabharlann na Comhdhála, SAM; Leabharlann Huntington California; Cartlann Pharlaiminteach Thithe na Parlaiminte sa RA agus Leabharlann Náisiúnta na hAstráile. Níos gaire don bhaile, ghlac cartlanna contae, leabharlanna ollscoile agus bailiúcháin phríobháideacha ar fud na hÉireann páirt san obair. De réir mar a thagann níos mó comhpháirtithe isteach agus de réir mar a chuirtear taifid stairiúla leis, leanfaidh an Maoinchiste ag fás.”
Dúirt Propast Choláiste na Tríonoide, Dr Linda Doyle:
“Rinneadh taighde stairiúil a chomhcheangal le nuálaíocht teicneolaíochta chun an Maoinchiste seo a chruthú. Ba mhaith liom comhghairdeas a dhéanamh leis an bhfoireann in Ionad ADAPT i gColáiste na Tríonóide a d’oibrigh go cruthaitheach le staraithe agus cartlannaithe chun an taisce fíorúil seo a dhéanamh inrochtana don phobal. Is iontach an rud é go bhfuil an tsochaí in ann úsáid a bhaint as an teicneolaíocht ar an mbealach seo agus, tar éis dom an tionscadal seo a fheiceáil ag teacht chun cinn le ceithre bliana anuas, cuireann sé an-bhród orm an méid a léirítear inniu a fheiceáil.”
Dúirt an Dr Maurice Manning, Cathaoirleach Ghrúpa Sainchomhairleach na gCuimhneacháin Chéad Bliain:
“Siar sa bhliain 2018, bhí lúcháir ar an nGrúpa Sainchomhairleach tacú leis an gcoincheap taighde tosaigh atá mar bhonn agus thaca ag an Maoinchiste. Is fíor a rá gur sháraigh an méid a baineadh amach ó shin i leith an méid a rabhamar ag súil leis. Cruthaíonn Thar 2022 Amach deis iontach d’idir óg agus aosta chun an stair a iniúchadh agus foghlaim fúithi ar bhealach nach bhfacthas riamh cheana, bunaithe ar anailís fhíorasach agus ar fhionnachtain chartlainne. Is oidhreacht iontach agus bhuan é do Dheich mBliana na gCuimhneachán.
Media Contact:
Fiona Tyrrell | Media Relations | tyrrellf@tcd.ie | +353 1 896 3551