Céard í an Chlárlann Acadúil?

Croílár Choláiste na Tríonóide faoi choinne seirbhísí riaracháin na mac léinn is ea an Chlárlann Acadúil. Tá an Chlárlann suite i bhFoirgneamh Watts, ar an Taobh Thoir den champas.

Is é is bunchuspóir na Clárlainne Acadúla seirbhísí tábhachtacha lárnacha riaracháin a chur ar fáil do mhic léinn agus do bhaill foirne sa chaoi is go mbeidh an t-am is fearr agus is féidir acu i gColáiste na Tríonóide. Tá tuilleadh eolais thíos.

Tá an Chlárlann Acadúil mar chuid de Sheirbhísí na Mac Léinn i Rannán na Seirbhísí Corparáideacha.

Na cúraimí atá orainn

Tá na gníomhaíochtaí tábhachtacha seo a leanas i saol an mhic léinn á reáchtáil ag an gClárlann Acadúil chun tacú le mic léinn agus le baill foirne reatha agus amach anseo:

Iarratais agus Iontrálacha

Cuireann an fhoireann um Iarratais agus Iontrálacha eolas ar fáil maidir le riachtanais iontrála agus déanann iad iarratais ar chúrsaí fochéime agus iarchéime a riar i gcás mic léinn i dtíortha san Aontas Eorpach agus i dtíortha nach bhfuil san Aontas Eorpach.

Is féidir linn cuidiú a thabhairt leis na nithe seo:

• Iontrálacha Fochéime agus Iarchéime
• Grinnfhiosrúchán an Gharda Síochána
• Erasmus
• Iarratais le staidéar a dhéanamh thar lear
• Glanadh Galar Tógálach
• Taispeántas Iontrála
• Gradam na dTaispeántas Iontrála

Measúnú agus Dul Chun Cinn

Is sinne a dhéanann scrúduithe na hollscoile a riar, is iad sin scrúduithe an tseimeastair, scrúduithe athmheasúnaithe agus scrúduithe scoláireacht na fondúireachta. Déanaimid ionaid agus feitheoirí scrúduithe a eagrú, scaipeadh na bpáipéar scrúdaithe agus ábhair agus soláthairtí a fháil.

Déanaimid dámhachtana áirithe san Fhéilire a riar chomh maith agus tugaimid tacaíocht d’oifigí Scoileanna/Cúrsaí ar fud an Choláiste in aistear an mhic léinn.1

Is féidir linn cuidiú a thabhairt leis na nithe seo:

• Scoláireachtaí na Fondúireachta agus Scoláireachtaí eile
• Iar-scrúdpháipéir
• Ionaid scrúduithe
• Athmheasúnú
• Feitheoireacht
• Tacaíocht maidir le dul chun cinn
• Duaiseanna agus dámhachtainí

Athrú agus Claochlú

Tá dhá aonad den fhoireann um Athrú agus Claochlú sa Chlárlann Acadúil faoi láthair:

Clárú do Mhodúil ar líne (OME)

Táimid freagrach as an gcóras chun clárú do mhodúil ar líne. Cuimsíonn sé sin cumraíocht an chórais, tástáil agus oiliúint. Is féidir linn cuidiú a thabhairt leis na nithe seo:

• Ceisteanna maidir le Clárú do Mhodúil ar líne

Feabhsúcháin ar Phróisis

Táimidne freagrach as feabhsúcháin thábhachtacha a chur le próisis agus córais ghnó sa Chlárlann Acadúil chun éifeachtúlacht a bhaint amach agus lena chinntiú go mbeidh na próisis agus córais sin inbhuanaithe agus in ann feidhmiú mar is ceart.

Is féidir linn cuidiú a thabhairt leis na nithe seo:

• Bealaí le próisis agus córais a fheabhsú a aimsiú
• Próisis Ghnó a bharrfheabhsú
• Dearadh/Athdhearadh Próiseas
• Anailís ar Ghnó agus ar Chórais
• Cáipéisíocht ceann go ceann a bhaineann le próisis ghnó “mar atá” agus “le bheith”

Bronnadh na Céime agus Taighde

Déanann an fhoireann um Bronnadh Céimeanna agus Taighde dul chun cinn na mac léinn taighde a bhainistiú i gcomhar le hOifig an Léinn Iarchéime. An fhoireann seo againne a dhéanann ceiliúradh bronnta na céime a shocrú agus a eagrú ón gcuireadh go dtí an lá féin, lena chinntiú go mbeidh lá speisialta ag gach duine dár réamhchéimithe.

Is féidir linn cuidiú a thabhairt leis na nithe seo:

• Scrúdú Taighde - Tráchtas a chur isteach le go ndéanfar é a scrúdú
• Scrúdú Taighde
• Litreacha na dTorthaí
• Faomhadh ag an gComhairle
• Páir ionaid
• Sceideal na Searmanas Bronnta Céimeanna agus Dioplómaí (fochéimeanna agus iarchéimeanna)
• Searmanais Bronnta Céimeanna agus Dioplómaí
• Feisteas Acadúil i gcomhair Céimeanna agus Dioplómaí
• Ticéid aíonna a eisiúint tríd an ríomhphost
• Suíocháin agus riachtanais bhreise

Bainistíocht Taifead agus Cásanna

Ó am go chéile, d’fhéadfadh nithe titim amach a d’fhágfadh nach mbeifeá in ann leanúint ar aghaidh leis an staidéar nó scrúduithe a dhéanamh, rudaí a chuirfeadh isteach ar ghnáth-aistear acadúil an mhic léinn. Beidh foireann na Bainistíochta Taifead agus Cásanna in ann na roghanna atá agat a phlé leat, is cuma cé na cúinsí atá ann.

Is féidir leo cuidiú a thabhairt leis na nithe seo:

• Gan a bheith i láthair do Scrúduithe
• Saoirse ó léachtaí agus teacht ar ais
• Éirí as
• Bliain a dhéanamh arís
• Inniúlacht chun Cleachtais

Cúrsaí Airgeadais Mac Léinn

Oibríochtaí Airgeadais

Tá an fhoireann um Airgeadas Mac Léinn dírithe ar chuidiú a thabhairt do mhic léinn reatha agus atá ag teacht isteach le heolas faoi tháillí agus deontais oideachais i gColáiste na Tríonóide.

Is féidir linn cuidiú a thabhairt leis na nithe seo:

• Tacaíocht Chomhchoiteann do Mhic Léinn in Éirinn (SUSI)/Deontais
• Aisíocaíochtaí
• Táillí Iarratais (AE/neamh-AE)
• Cúnamh Feidearálach
• Tionscnamh táillí saor in aisce an Údaráis um Ard-Oideachas

Bainistíocht Airgeadais

Tá ról iontach tábhachtach ag an bhfoireann oilte Bainistíochta Airgeadais le haghaidh mic léinn atá ag teacht isteach agus mic léinn reatha.

Is féidir linn cuidiú a thabhairt leis na nithe seo:

• Sonraisc
• Billeáil
• Tuarascálacha Iniúchóra

Seirbhís

Deasc Seirbhíse

Is éard a dhéanaimid ag an Deasc Seirbhíse cúnamh a thabhairt do mhic léinn agus do bhaill foirne ar an láthair agus iad ag plé le ceisteanna a bhaineann le hIontrálacha, Bronnadh na Céime agus go leor eile. Gheobhaidh tú comhairleoirí dúthrachtacha mic léinn anseo a chuireann seirbhís triáise ar fáil agus a thugann freagra ar cheisteanna praiticiúla go gasta agus go héifeachtúil.

Is féidir linn cuidiú a thabhairt leis na nithe seo:

• Cáipéisí agus Foirmeacha
• Cártaí Aitheantais
• Comhairle do mhic léinn
• Tráchtais a chur isteach
• Clárú

Cumarsáid, Acmhainní Daonna agus Riarachán

Cuid an-mhór de shaol an uile lae atá sa chumarsáid. Táimid an-bhródúil anseo sa Chlárlann Acadúil faoi dhaoine ó chúlraí éagsúla a thabhairt le chéile, idir bhaill foirne agus mhic léinn. Tá an fhoireann cumarsáide freagrach as na meáin shóisialta agus suíomh gréasáin seo againne a chothabháil lena chinntiú go bhfaighidh tú an t-eolas atá uait.

Is féidir linn cuidiú a thabhairt leis na nithe seo:

• Tras-scríbhinní
• Clárúchán modúl do mhic léinn ar cuairt
• Na Meáin Shóisialta
• Eagarthóireacht ar an Suíomh Gréasáin
• Dearadh

Tacaíocht agus pleanáil ghnó

Tá dhá fhoireann i gceist le Tacaíocht agus Pleanáil Ghnó: Bainistíocht agus Tuairisciú Sonraí/Córas, agus Feabhsú Leanúnach agus Bainistíocht Tionscadal. Iad siúd atá freagrach as sonraí a rialú, a chothabháil agus as monatóireacht a dhéanamh orthu ar fud an choláiste agus as réimsí a shonrú ina bhféadfar an Chlárlann Acadúil a fheabhsú agus a leasú. Baineann siad úsáid as meascán de thaighde agus d’obair chrua le gach réimse den oifig a fhorbairt lena chinntiú go bhfuil cultúr bríomhar solúbtha sa choláiste do bhaill foirne agus do mhic léinn.

Is féidir linn cuidiú a thabhairt leis na nithe seo:

• Anailís Sonraí
• An tairseach my.tcd.ie
• Tuarascálacha Sonraí
• Tacaíocht theicniúil