Tá an scéim seo á riar ag Coiste na Gaeilge i gcomhar leis an Déan Sóisearach d’fhonn úsáid na Gaeilge a chur chun cinn i saol an Choláiste trí iostas a chur ar fáil ar phraghas laghdaithe do roinnt mac / iníonacha léinn atá sásta glacadh le coinníollacha na Scéime.

Déanfar deontais (€1,000 an duine) a thairiscint do mhic léinn lánaimseartha, a bhfuil Gaeilge líofa acu agus atá sásta í a labhairt ina saol laethúil agus atá tar éis páirt a ghlacadh in imeachtaí Gaeilge nó i gcumainn Ghaeilge, le cuid de chíos iostais ar Champas an Choláiste a ghlanadh dóibh. Díolfar an chéad leath den deontas i ndiaidh na Nollag agus an leath eile ag deireadh na bliana acadúla.

1. Scéim Chonaithe an Champais (12-16 spásanna)- oscailte do mhic léinn a bheidh i mBliain 2-4
2. Scéim Chónaithe Dhartraí do Mhic Léinn na Dara Bliana (6 spásanna)- oscailte do mhic léinn a bheidh sa dara bhliain

NA SCÉIMEANNA
Tá Scéim 1 lonnaithe ar an gcampas sa chathair.
Tá Sceim 2 lonnaithe i Halla na Trionóide, Dartraí, Baile Átha Cliath 6.

An Próiséas Iarratais

Feabhra 2013

Osclóidh an próiseas iarratas. Cuirfear an fhoirm iarratais suas ar an suímh seo.

Márta 2013

Cruthófar gearrliosta. Beidh a fhios agat má tá agallamh faighte agat. .

Márta/Aibreán 2013

Agalliamh na Scéime- roghnófar 12-16 mac léinn.

Ní mór do na mic léinn a dtugtar deontas dóibh an Ghaeilge a labhairt ina saol laethúil, ballraíocht a ghlacadh sa Chumann Gaelach agus páirt ghníomhach a ghlacadh in imeachtaí Gaeilge an Choláiste agus i saol an Choláiste i gcoitinne.  Beidh orthu foirm a shíniú á dhearbhú go gcomhlíonfaidh siad coinníollacha na Scéime agus iarrfar orthu tuairiscí a thabhairt do Oifigeach na Gaeilge i dtús an dara théarma agus ag tús an tríú théarma ar na slite inar chomhlíon siad na coinníollacha sin le linn an téarma roimhe sin.  Sa chás nach mbeidh na coinníollacha á gcomhlíonadh ag mac léinn, beidh sé de cheart ag an gCoiste a b(h)allraíocht sa Scéim a scor.